Дарвозабон Марк-Андре тер Штегеннинг келажаги мавҳумлигича қолмоқда. "Барселона" бош мураббийи Ханс-Дитер Флик аллақачон германиялик футболчига янги мавсумда асосий таркибда майдонга тушмаслигини маълум қилган.
Испаниянинг Sport нашри хабарига кўра, "Барселона" тер Штегеннинг ҳар қандай қарорига тайёр: у қолиши ва ўйин вақти учун курашиши ҳам, кетиши ҳам мумкин.
"Кўк-анорранглилар" дарвозабон билан шартномани бекор қилишга ва қолган уч мавсумдан бири учун пул тўлашга тайёр. Тўғри, каталонияликлар 33 ёшли тер Штегенга ҳозирча бундай таклиф билан чиқишмаган. Эҳтимол, бу кейинги музокаралар давомида содир бўлади. Ҳозирча Марк-Андре билан фақат спорт масалалари муҳокама қилинган.
