Ярим ҳимоячи Лука Модрич ўн уч йиллик фаолиятидан сўнг "Реал"ни тарк этди. Яқин келажакда тажрибали хорватиялик "Милан"га бир йиллик меҳнат шартномаси асосида келиб қўшилади.

Goal порталининг Mundo Deportivo нашрига таяниб хабар беришича, Модрич "Милан"даги бир мавсум учун 2,5-3 миллион евро миқдорида маош олади. Бу хорватиялик "Реал"да ишлаб топганидан анча кам.

Қайд этилишича, Лука Модрич 2026 йилги жаҳон чемпионатини кўзлаган ҳолда юқори савияда ўйнашда давом этишни истаган.

Италия А Сериясининг навбатдаги мавсуми 1-турида "Милан" "Кремонезе"га қарши баҳс олиб боради. Ўйин 23 август куни бўлиб ўтади.