"Челси"нинг сербиялик дарвозабони Жорже Петрович "Борнмут" футболчисига айланади. Бу ҳақда ижтимоий тармоқда инсайдер Фабрицио Романо ёзмоқда. "Гилослар" Сербия терма жамоаси посбони учун 30 млн евро тўлайди.
Амалдаги шартнома Петровични "Челси" билан 2030 йилнинг ёзигача боғлаб туради. Transfermarkt портали футболчини 30 млн еврога баҳоламоқда. Дарвозабон ўтган мавсумни "Страсбург" сафида Лига 1да ўтказди.
Ўтган мавсумда "Борнмут" дарвозабони испаниялик Кепа Ариссабалага эди, у ёзда "Челси"дан "Арсенал"га ўтганди. Баск "Борнмут"да ижара шартномаси асосида ўйнаган.
