"Реал Мадрид" ҳужумкор ярим ҳимоячиси Виктор Муньос фаолиятини "Осасуна"да давом эттиради. Бу ҳақда "қироллик клуби" матбуот хизмати хабар берди.
"Клуб унга меҳнати, фидойилиги учун миннатдорчилик билдиради ва ҳаётининг янги босқичида унга ва оиласига омад тилайди," - дейилади клуб расмий хабарида.
Виктор Муньос 2021 йилда 18 ёшида "Реал" ёшлар жамоасига ўтган. Ёш футболчи асосий таркибда 2025 йилнинг май ойида дебют қилган. Ўтган мавсумда Муньос "Реал Мадрид Кастилья" шарафини ҳимоя қилган. Transfermarkt порталига кўра, футболчининг трансфер нархи 1 млн еврога баҳоланмоқда.













