"Бавария" вингер Луис Диасни ўз сафига қўшиб олмоқчи. Sport Bild хабарига кўра, Мюнхен гранди "Ливерпуль"га Луис Диас учун 52 миллион евро таклиф қилган.
Қайд этилишича, сумма 80 миллион евродан анча кам - "Ливерпуль" Диас учун айнан шунча талаб қилмоқда.
Тахминларга кўра, 28 ёшли Луис Диаснинг "Ливерпуль" билан жентлменча келишуви бор - 80 миллион евро эвазига у ёзда қўйиб юборилиши аниқ. Шу билан бирга, "Бавария" колумбиялик футболчи учун 60 миллиондан ортиқ тўлашга тайёр эмас.
Луис Диас "Ливерпуль" сафида 148 та расмий ўйинда майдонга тушиб, 41 та гол урган ва шерикларига 23 та голли узатмани амалга оширган.
