"Вулверхэмптон" ярим ҳимоячиси Андре "Ювентус" эътиборига тушиб қолди.

23 ёшли футболчи "кекса синьора"га кераксизга айланган Дуглас Луиснинг ўринбосари ҳисобланади. Журналист Жанлука ди Марционинг маълум қилишича, Турин клуби жорий трансфер ойнасида "бўрилар" таянч ярим ҳимоячисини ўз сафига қўшиб олиш имкониятини ўрганиб чиқмоқда.

Ўтган йилнинг август ойида "Вулверхэмптон" бразилиялик футболчини "Флуминенсе"дан 22 млн еврога сотиб олган, transfermarkt портали футболчининг ҳозирги қийматини 28 млн еврога баҳоламоқда. Андре ўтган мавсумда инглиз жамоаси сафида 36 та ўйинда майдонга тушиб, самарали ҳаракат қилмаган.