"Бенфика" ва "Челси" Жоау Феликс трансфери бўйича музокараларни давом эттирмоқда.
О Jogo хабарига кўра, португал клуби ўтган мавсумнинг иккинчи ярмини "Милан"да ижарада ўтказган футболчининг 50 фоизлик ҳуқуқи учун "Челси"га 20 миллион евродан ортиқ тўламоқчи эмас.
Феликснинг ўзи ҳам қадрдон клубига қайтишни истамоқда ва "Бенфика" президенти Руй Коштага маошини сезиларли даражада камайтиришга тайёрлигини маълум қилган.
"Челси" ва "Милан" сафида барча мусобақаларда 41 та ўйинда вингер 10 та гол ва 3 та голли узатмани амалга оширган.













