Франциянинг "Пари Сен-Жермен" клуби ҳозирча Англиянинг "Борнмут" клуби ҳимоячиси Илья Забарний трансферидан узоқда. Бу ҳақда машҳур L’Equipe нашри хабар бермоқда.
Манбага кўра, француз гранди "гилослар" раҳбарияти футболчининг нархини ҳаддан ташқари ошириб юборган ва таклифларни яхшилаш бўйича музокараларни давом эттиришга тайёр эмас деб ҳисобламоқда. Қайд этилишича, Забарний ишини олиб борган парижликлар спорт директори Луиш Кампуш футболчининг вакилларига трансфер молиявий фэйр-плей туфайли бу тарзда амалга ошиши мумкин эмаслигини айтган.
Аввалроқ, "ПСЖ" Забарний трансфери бўйича "Борнмут"га 60 млн евролик расмий таклиф билан чиққани хабар қилинганди. Иккала таклифга ҳам француз гранди рад жавобини олди. Инглиз клуби футболчи учун 70 млн евро товон пули талаб қилмоқда.
