"ПСЖ" бош мураббийи Луис Энрике клублар ўртасидаги жаҳон чемпионати финалидаги рақиб - "Челси" даражаси ҳақида қандай фикрда эканини айтди.
Соврин учун ҳал қилувчи ўйин якшанба куни бўлиб ўтади. Парижликлар яққол фаворит ҳисобланади, аммо испаниялик мураббий осон ўйин кутмаяпти.
"Менга Энцо Мареска ва унинг жамоаси жуда ёқади. "Челси"да ажойиб ўйинчилар кўп, улар техник. Уларнинг ҳимоядаги асосий қуроли - прессинг ва улар бизга ўхшайди. Осон бўлмайди. Бизни жисмонан бақувват рақибга қарши қийин ўйин кутмоқда," - деди Луис Энрике матбуот анжуманида.
