Мадриднинг "Реал" клуби собиқ ярим ҳимоячиси Тони Кроос жамоанинг ўтган мавсумдаги қийинчиликлари ҳақида фикр билдирди.
"Қаймоқранглилар" клублар ўртасидаги жаҳон чемпионати ярим финалида "ПСЖ"га йирик ҳисобда мағлуб бўлди (0:4).
"Жамоа учун бир бутун бўлиб ҳимояланиш жуда муҳим - шунда у тўпни қайтаришга уринаётганда кўпроқ кучга эга бўлади. Агар бундай бўлмаса, рақиб ортидан тинимсиз югуришга тўғри келади. Сиз прессинг қила олмайсиз, чунки рақиб бу прессингни синдиради, чуқур ҳимояга ўта олмайсиз, чунки бундай ўйнашга ўрганмагансиз. Бу "Реал"нинг ўтган мавсумдаги асосий муаммоси," - дея Крооснинг сўзларини келтиради Madrid Universal.
