"Челси" сардори Рис Жеймс клублар ўртасидаги жаҳон чемпионати финалидан ўрин олган "ПСЖ"га қарши ўйин ҳақида фикр билдирди.

Учрашув 13 июль, якшанба куни бўлиб ўтади.

"ПСЖ" жуда кучли, мураккаб ўйинга тайёргарлик кўряпмиз, аммо бизда ҳам ажойиб жамоа бор ва кўпчиликни ҳайратда қолдиришимиз мумкин. Статистика ва ўйинолди ҳолатлар "Челси"да мени ҳам, бошқаларни ҳам қизиқтирмайди. Бизни ҳал қилувчи ўйинда тўқнаш келадиган икки ажойиб ёш жамоанинг учрашуви кутмоқда. Биз тенгма-тенг ўйнашимизга ишонаман. Биз Европа ва дунёда энг яхши бўлишни хоҳлаймиз, агар биз КЎЖЧда ғалаба қозонсак, бизни шундай деб аташ мумкинми ёки йўқми - буни ўзингиз ҳал қилинг," - дея Жеймснинг сўзларини келтиради инглиз ОАВ.