"Ювентус"нинг ўнг қанот ҳимоячиси Альберто Коiта яқин келажакда ватанига қайтиши мумкин.
21 ёшли футболчи Лиссабоннинг "Спортинг" клубига ўтишга розилик берганини журналист Николо Скира маълум қилди.
Португалия гранди ҳимоячи учун тахминан 18 миллион евро таклиф қилди, аммо "Ювентус" кўпроқ маблағ талаб қилмоқда. Клублар музокараларни давом эттирмоқда.
Альберто Кошта жорий йилнинг январь ойида "Витория Гимарайнс"дан 13,8 миллион евро эвазига "кекса синьора" сафига қўшилган эди. Футболчининг туринликлар билан шартномаси 2029 йилнинг ўртасигача мўлжалланган.













