"Галатасарой" "Наполи"ни ҳужумчи Виктор Осимхенни сотишга кўндирмоқчи.
Яқинда турк клуби нигериялик учун 75 миллион евро тўлашга тайёрлиги ҳақида хабарлар пайдо бўлганди. Бу 26 ёшли футболчининг шартномасида кўрсатилган товон миқдори, бироқ Истанбул клуби тўловларни бир неча қисмга бўлиб олмоқчи, шунинг учун "Наполи" рад этиши мумкин.
Журналист Николо Скиранинг сўзларига кўра, шанба куни клублар ўртасида Осимхен бўйича янги музокаралар бўлиб ўтади.
"Галатасарой" трансферни муваффақиятли якунлай олишига ишонмоқда. Манбага кўра, Виктор Осимхенга 2028 йилгача муддатни бир йилга узайтириш мумкин бўлган, йилига 18 миллион евро маош оладиган шартнома таклиф қилинган.
