"Фиорентина" ҳужумчиси Мойзе Кин "Ал-Ҳилол" қизиқишлари доирасига тушиб қолди. Саудия клуби "Наполи"дан Виктор Осимхенни ўз сафига қўшиб олишга уринди, аммо нигериялик футболчи катта таклифни рад этиб, "Галатасарой"ни танлади.
Журналист Маттео Мореттонинг маълум қилишича, энди "Ал-Ҳилол" Кин вариантига ўтган - "бинафшаранглилар" билан 25 ёшли футболчи трансфери бўйича музокаралар аллақачон бошланган.
Мойзе Кин 32 ўйинда 19 та гол уриб, А Сериянинг ўтган мавсумида иккинчи тўпурарга айланди. Transfermarkt талқинига кўра, италиялик форварднинг нархи 50 млн еврони ташкил этади. Футболчининг "Фиорентина" билан шартномаси 2029 йилгача мўлжалланган.
