Франциянинг "ПСЖ" клуби бош мураббийи Луис Энрике бошқа одамларнинг унга юлдуз сифатида муносабати ҳақида гапирди.
"Менда юлдузлик касали йўқ. Футболчи сифатида ҳам, мураббий сифатида ҳам йўқ. Менга ишим ёқади. Менга футболчилик фаолиятим ёқди, мураббийлик фаолиятим менга ёқади, айниқса қийин дамларда. Ўша пайтда ўзимни энг бахтли ҳис қиламан. Ҳаммаси яхши кетса, жуда ёқимли, чунки ишимизда кўп йиллар давомида мен буни ўрганганман", деди Луис Энрике.
55 ёшли испаниялик мураббий Луис Энрике 2023 йилнинг июлидан буён "ПСЖ"ни бошқариб келмоқда.













