Вингер Энтони Эланга расман "Ноттингем Форест"дан "Ньюкасл"га ўтди.
"Қарғалар" швециялик футболчининг трансферини тасдиқлади. Битим қиймати 60 млн евродан кўпроққа баҳоланмоқда. Журналист Саймон Стоуннинг маълум қилишича, ушбу келишув орқали "Манчестер Юнайтед" тахминан 7 млн евро ишлаб олган. "Қизил иблислар" футболчини кейинги сотиш суммасидан улуш олишлари керак эди.
Энтони Эланга 2015 йилдан 2023 йилгача "МЮ" тизимида ўйнаган, шундан сўнг 16 миллион евро эвазига "Ноттингем Форест"га ўтган. Ўтган мавсумда 23 ёшли футболчи "ўрмончилар" сафида Премьер-лигада 38 та учрашувда 6 та гол ва 11 та ассистни ўз ҳисобига ёздириб қўйди.
