"Штутгарт" марказий ҳужумчиси Ник Вольтемаде Мюнхеннинг "Бавария" клуби қизиқишлари доирасида, дея хабар бермоқда Bild журналистлари.
Манбага кўра, "швабияликлар" раҳбарияти 23 ёшли ҳужумчини 80 миллион еврога баҳоламоқда. Аввалроқ, "Бавария" футболчи учун тахминан 40 миллион таклиф қилган, аммо рад жавобини олганди.
Вольтамаде "Штутгарт" билан 2028 йилнинг ярмигача шартнома мажбуриятлари билан боғланган. Transfermarkt портали экспертлари форварднинг бозор нархини 30 миллион еврога баҳоламоқда.
Ҳужумчи 2024/2025 йилги мавсумда 33 та ўйин ўтказиб, 17 та гол ва 3 та голли узатмани ўз ҳисобига ёздириб қўйди.
