"Рома" марказий ярим ҳимоячи Ниль Эль-Айнауи трансфери масаласида яна "Ланс" билан алоқага чиқди, дея хабар бермоқда инсайдер Фабрицио Романо.
Француз клуби ҳафта бошида римликларнинг футболчи бўйича илк таклифини рад этганди. У тахминан 20 млн еврони ташкил этиши айтилганди.
Шу билан бирга, таъкидланишича, "Рома" Эль-Айнауининг трансфери бўйича фақат ўз шартларига кўра келишиб олишга тайёр.
Ниль "Нанси" тарбияланувчиси бўлиб, 2023 йил июль ойида 600 минг евро эвазига "Ланс"га ўтган. Унинг шартномаси 2027 йилнинг 30 июнига қадар амал қилади, Transfermarkt портали уни 15 млн еврога баҳоламоқда.













