Дарвозабон Жанлуижи Доннарумма келажагини белгилаб олди. Шартномавий вазият фонида (футболчининг "ПСЖ" билан амалдаги меҳнат шартномаси бир йилдан кейин тугайди) 26 ёшли Доннаруммага Премьер-лиганинг учта топ-клуби қизиқиш билдирмоқда.
Бироқ, Get French Football News хабарига кўра, Доннарумма учун "ПСЖ" билан шартномани узайтириш устувор вазифа ҳисобланади. Қайд этилишича, италиялик футболчининг келажаги масаласи клублар ўртасидаги жаҳон чемпионатидан кейин ёпилади.
Якшанба куни клублар ўртасидаги жаҳон чемпионати финалида "ПСЖ" "Челси"га қарши баҳс олиб боради.













