Португалиянинг "Спортинг" клуби форварди Виктор Дьёкереш фаолиятини Англия Премьер-лигасида давом эттирмоқчи, унинг хизматларига Лондоннинг "Арсенал" клуби қизиқиш билдирмоқда.
"АПЛ - энг яхши футбол чемпионатларидан бири. Мен у ерда бир неча йил бўлдим, лекин бирорта ҳам ўйин ўтказмадим. Шунинг учун қайтишни истардим. Бу ўч олишнинг ажойиб шакли бўлади," - дея скандинавиялик тўпурарнинг сўзларини келтиради Lequipe.
27 ёшли швециялик футболчи "Спортинг" билан 2028 йилнинг ярмигача шартнома мажбуриятларига эга. Transfermarkt портали форварднинг бозор нархини 75 миллион еврога баҳоламоқда.
