"Реал" ҳужумчиси Родриго мунтазам равишда трансфер миш-мишларининг қаҳрамони бўлиб келмоқда. Бразилиялик футболчининг клублар ўртасидаги жаҳон чемпионатидаги кам ўйин амалиёти эҳтимолий трансфер ҳақидаги гап-сўзларни янада кучайтирди.
Marca нашрига маълум бўлишича, айни дамда "Реал"да ҳеч ким Родригога чиқиш эшикларини кўрсатмаган. Ва энг муҳими, 24 ёшли бразилияликнинг ўзи ҳозирча жамоада қолишни ва у билан муваффақиятларга эришишни режалаштирмоқда.
Қолаверса, манбага ишонадиган бўлсак, Родриго ва "Реал" ўртасида яқин келажакда ҳеч қандай музокаралар режалаштирилмаган.
Дарвоқе, Родригонинг "Реал" билан амалдаги шартномаси 2028 йилнинг ярмигача мўлжалланган.
