Лондоннинг "Арсенал" клуби сўнгги кунларда Итан Нванерининг келажаги масаласида муваффақиятга эришди. "Канонирлар" футболчига яқин йиллар учун ўз қарашлари ва спорт лойиҳасини тақдим этди. Клуб Нванери билан унинг ўйин вақтини муҳокама қилди. Буларнинг барчаси ҳақида нуфузли инсайдер Фабрицио Романо ижтимоий тармоқларда ёзди.
"Арсенал" тез орада якуний "яшил чироқ"ни ёқиб, 18 ёшли Нванери билан янги шартнома имзолашга умид қилмоқда.
Хабарингиз бор, Итан Нванерининг "Арсенал" билан амалдаги меҳнат шартномаси яна бир мавсумга - 2026 йилнинг ярмигача мўлжалланган. "Канонирлар"нинг асосий жамоасида Нванери 39 та ўйинда майдонга тушиб, 9 та гол урган ва 2 та голли узатмани амалга оширган.
