Мадриднинг "Реал" клуби клублар ўртасидаги жаҳон чемпионатидан кейин ҳам трансфер бозоридаги фаолиятини давом эттиради.
"Қаймоқранглилар" мусобақанинг ярим финалига қадар етиб борди ва "ПСЖ"га йирик ҳисобда ютқазди (0:4). Жамоа бошқарувидаги дастлабки ўйинлардан сўнг, Хаби Алонсо таркибни янада кучайтириш кераклигини тушунди. Marca хабарига кўра, мураббий клуб раҳбариятига янги харидлар бўйича мурожаат қилган - сўров қаноатлантирилган. Шу тариқа, "қироллик клуби" "Бенфика"дан Альваро Каррерасни таклиф қилиш билан чекланиб қолмайди - кейин янги келишувлар амалга оширилади.
Хаби Алонсо июнь ойи бошида "Реал" бош мураббийи лавозимини эгаллаганди.
