Мадриднинг "Атлетико" клуби ярим ҳимоячиси Родриго де Пауль "Интер Майами"га ўтиш арафасида турибди.
Клублар ўртасидаги музокаралар якуний босқичга яқинлашмоқда, дея хабар беради инсайдер Фабрицио Романо ўзининг янги ҳисоботида. "Интер Майами" келишувга эришилишига ишончи комил, аммо томонлар ҳали битимнинг бир нечта тафсилотларини ҳал қилишлари керак. Аргентиналикнинг ўзи аллақачон флоридаликларга розилик билдирган.
Родриго де Паулнинг "Атлетико" билан шартномаси келаси йили якунига етади ва унинг Transfermarkt сайтидаги нархи 25 млн еврони ташкил этади. 31 ёшли хавбек "матрасчилар" сафида 2024/25-йилги мавсумда 53 та ўйинда майдонга тушиб, 3 та гол ва 10 та ассистни ўз ҳисобига ёздириб қўйди.
