"Ювентус" ҳужумчиси Душан Влахович "Ювентус"нинг таклифига рад жавобини берди.
Сербияликнинг амалдаги шартномаси бир йилдан сўнг тугайди ва Турин клуби келишувни 2027 йилгача узайтиришга тайёр эди, бироқ футболчи келишувни рад этди, деб ёзади La Gazzetta dello Sport. Ҳужумчи ёзда кетиш ниятида ҳам эмас. У ён бермайди ва амалдаги шартнома муддати тугашидан олдин унга тегишли бўлган пулдан воз кечмайди.
Душан Влахович 2022 йил бошида "Ювентус" томонидан "Фиорентина"дан 80 миллион евродан кўпроққа сотиб олинган эди. Transfermarkt портали 25 ёшли футболчининг айни дамдаги нархини 35 млн еврога баҳоламоқда.
