"Челси"нинг чап қанот ҳимоячиси Марк Кукурелья клубга келган дастлабки ойлардаги қийинчиликларини эслади.
Испаниялик футболчи 2022 йилнинг ёзида "Брайтон"дан 65 млн евродан кўпроққа харид қилинган эди.
"Дастлабки ойларда осон бўлмади. Жамоада ўзига хослик ҳам, аниқ ўйин схемаси ҳам йўқ эди, мен эса тўпни олиб, барчасини ёлғиз ҳал қила оладиганлардан эмасман. Мен бутун жамоа яхши ҳолатда бўлганида ўзимни энг яхши кўрсатаман. "Челси" мен учун катта пул тўлади. Ҳамма мени ҳар бир ўйинда гол урадиган машина бўлишимни кутганди. Ўзимга ҳам бу ердаги илк ўйинларим ёқмади. Мен ҳали ҳам ўша пайтдаги ўйинчиман, лекин ҳозир ўзимга ва маҳоратимга ишонаман," - дея Кукурельянинг сўзларини келтиради talkSPORT.
