"Челси"нинг ўнг қанот ҳимоячиси Мало Гюсто жамоа учун ярим ҳимоячилар Мойсес Кайседо ва Энцо Фернандес муҳим эканини таъкидлади.
Бугун "кўклар" клублар ўртасидаги жаҳон чемпионати финалида "ПСЖ"га қарши майдонга тушади. Учрашув Тошкент вақти билан 00:00 да бошланади. Гюсто ҳал қилувчи ўйин олдидан журналистлар билан суҳбатда лондонликларнинг ўрта чизиғидаги икки етакчи - Кайседо ва Фернандес ҳақида гапирди.
"Улар ўзларини жуда зўр кўрсатишмоқда, жамоа учун жуда фойдали. Иккаласи ҳам улкан истеъдодга эга ва бу ҳар бир ўйинда кўзга ташланади. Бизда Мойсес ва Энцо каби футболчилар борлигидан хурсандмиз," - дея французнинг сўзларини келтиради Absolute Chelsea.
