"Бешиктош"нинг янги аъзоси Тэмми Абрахам жамоага ўтишидан олдин Деле Алли ва Миша Бачуайи билан маслаҳатлашганини тан олди.
Турк клуби инглизни "Рома"дан мавсум охиригача сотиб олиш шарти билан ижарага олди.
"Мен "Бешиктош" ҳақидаги фикрларини билиш учун Алли ва Бачуайига мурожаат қилдим ва улар кўплаб яхши нарсаларни айтиб беришди. Бу ерда ажойиб муҳит бор, вақтимни аъло даражада ўтказаман. Менга янги жамоадошлар ёқади," - дея "Челси"нинг 27 ёшли тарбияланувчиси билан суҳбатдан иқтибос келтиради журналист Альфредо Педулла.
Эслатиб ўтамиз, Тэмми Абрахам ўтган мавсум "Милан" сафида ижара асосида тўп тепган эди.
