Кристофер Нкунку ёзда "Челси"ни тарк этади.
"Кўклар" устози Энцо Мареска 27 ёшли французни марказий ҳужумчи сифатида кўрмаяпти, айниқса, Жоао Педро ва Лиам Делап трансферидан сўнг.
Мавсум давомида италиялик мутахассис Нкункуни бир неча бор машғулотларда таянч ярим ҳимоячиси сифатида қўллаб, унинг "характерини синаб кўрди," деб ёзади GFFN L’Equipe нашрига таяниб.
Ҳужумчининг ўзи ҳужумга яқинроқ ўйнашни маъқул кўрмоқда, аммо бу позицияда Коул Палмер бор.
Аввалроқ, Нкунку хизматига "Интер", "Бавария" ва "Манчестер Юнайтед" клублари қизиқиш билдираётгани маълум бўлганди. У якунланаётган мавсумда барча мусобақаларда 47 та ўйинда 15 та гол урди ва 5 та голли узатмани амалга оширди.
