Англиянинг "Ноттингем Форест" клуби ПСВнинг ўнг қанот ҳужумчиси Жоан Бакайокони нишонга олди. Бу ҳақда журналист Себастьен Видаль маълум қилди.
Манбага кўра, "ўрмончилар" "Ньюкасл"га кетган Энтони Элангага ўринбосар сифатида кўрилаётган 22 ёшли бельгиялик футболчи учун курашда пешқадамлик қилмоқда. Таъкидланишича, музокаралар муваффақиятли давом этмоқда, битим суммаси эса 25,3 млн еврони ташкил қилиши мумкин.
2024/25 йилги мавсумда Бакайоко барча мусобақаларда 47 та ўйинда майдонга тушиб, 12 марта рақиблар дарвозасини ишғол қилди ва 3 та голли узатмани ўз ҳисобига ёздириб қўйди.
