"Барселона" раҳбарияти агентини алмаштирган жамоа ярим ҳимоячиси Френки де Йонг билан шартномани узайтирмоқчи. Бу ҳақда журналист Фернандо Поло маълум қилди.
Манбага кўра, де Йонг якшанба куни "Барселона" қароргоҳига қайтади. У қайтиши биланоқ клуб спорт директори Деку футболчи билан меҳнат шартномасини узайтириш бўйича янги музокаралар ўтказмоқчи. Таъкидланишича, "кўк-анорранглилар" президенти Жоан Лапорта ҳам Де Йонг билан шартномани узайтиришни қўллаб-қувватламоқда.
Де Йонг "Барселона" сафида 2019 йилдан буён тўп тепиб келмоқда. Ўтган мавсумда 28 ёшли хавбек барча мусобақаларда 46 та ўйинда майдонга тушиб, 2 та гол урди ва 2 та ассистни ўз ҳисобига ёздириб қўйди.
