"Интер Майами" устози Хавьер Маскерано жамоанинг 38 ёшли форварди Лионель Мессининг "Нэшвилл"га қарши (2:1) учрашувидаги дубли ҳақида фикр билдирди. Аргентиналик футболчи кетма-кет бешинчи дублини расмийлаштирди.

"Месси ҳозир ақл бовар қилмайдиган ўйин кўрсатмоқда. У ҳар бир неча кунда рекордларни янгилайди. Бу ҳақиқий жамоа етакчиси, у стандартларни белгилайди. Унинг фаолиятидаги ушбу босқичнинг бир қисми бўлиш жуда ёқимли," - дея бош мураббийнинг сўзларини келтиради Goal портали.

МЛС мунтазам чемпионатининг жорий мавсумида Месси 16 та учрашувда иштирок этди. Ҳужумчи ўз ҳисобига 16 та гол ва олтита голли узатмани ёздириб қўйди.