"Наполи" ҳужумчиси Виктор Осимхен фаолиятини қайси клубда давом эттиришини ҳал қилиб бўлган. 26 ёшли футболчи трансфер шартлари бўйича неаполликлар билан музокараларни давом эттираётган "Галатасарой"га ўтишни истамоқда. Журналист Педру Алмейданинг маълумотига ишонадиган бўлсак, яқинда ҳужумчига "Манчестер Юнайтед" қизиқиш билдираётган эди, аммо нигериялик манкунианликлар сафига ўтишдан бош тортди ва фақат "Галатасарой"да ўйнашни исташини маълум қилди.
Виктор Осимхеннинг "Наполи" билан шартномасида кўрсатилган товон пули - 75 млн евро. Турк гранди бу суммани тўлашга тайёр, лекин қисмларга бўлиб. Клублар ҳали битим тузилишини келишиб олиши керак, футболчининг ўзи билан эса келишувга эришилган.
