Лондоннинг "Арсенал" клуби футболчиси Леандро Троссард ёзда "Фенербахче"га ўтмайди.
Миш-мишларга кўра, бельгиялик 30 ёшли футболчи учун турк клуби 15 миллион евро тўлашга тайёр эди. Таниқли журналист Бен Жейкобснинг маълум қилишича, бу маълумотлар ҳақиқатга тўғри келмайди - Троссард "Фенербахче"нинг трансфер мақсадлари рўйхатида йўқ. Шунингдек, истанбулликларнинг "Тоттенхэм"дан Ив Биссум ва "Астон Вилла"дан Леон Бэйли хизматига қизиқиши ҳам ўз тасдиғини топмади.
Леандро Троссарнинг "Арсенал" билан амалдаги шартномаси келаси йили ўз ниҳоясига етади. Томонлар ҳали янги битим шартларини келишиб ололмадилар.
