"Барселона" марказий ҳимоячиси Рональд Араухо жорий трансфер ойнасида сотилиши даргумон.
Миш-мишлар узоқ вақтдан бери уругвайликни Каталония клубини тарк этиши билан боғлаб келади, аммо ҳозирда бундай сценарий бўлиши даргумон. La Vanguardia хабарига кўра, "Барселона" аллақачон 26 ёшли футболчи бўйича таклифларни кўриб чиқмасликка қарор қилган. У сотилмайди.
Рональд Араухога "Ювентус" қизиқиш билдираётган эди. Жорий йилнинг январь ойида футболчи "кўк-анорранглилар" билан 2031 йилнинг ярмигача мўлжалланган янги меҳнат шартномасини имзолади. Transfermarkt талқинига кўра, футболчининг нархи 35 млн еврони ташкил этади.
