Лиссабоннинг "Спортинг" клуби ярим ҳимоячиси Мортен Юльманн фаолиятини "Ювентус"да давом эттириши мумкин.
"Кекса синьора" вакиллари данияликни анчадан бери кузатишмоқда. Журналист Маттео Мореттонинг маълум қилишича, туринликлар жорий трансферлар даврида 26 ёшли футболчини ўз сафига қўшиб олиш ҳақида ўйламоқда. Потенциал битим қиймати 40 млн еврога баҳоланмоқда, бироқ ҳозирда расмий музокаралар олиб борилмаяпти.
Мортен Юльманнинг Transfermarkt сайтидаги нархи - 50 млн евро. Хавбекнинг "Спортинг" билан амалдаги шартномаси 2028 йилнинг ярмигача мўлжалланган.
Ўтган мавсумда Юльманн лиссабонликлар сафида барча мусобақаларда 47 та ўйинда майдонга тушиб, 3 та гол ва 2 та голли узатмани амалга оширди.
