"Милан" "Страсбург"га ҳимоячи Гела Дуэ бўйича янги таклиф билан чиқди. "Россонерилар" ивуарлик футболчи учун 18 млн евро тўлашга тайёрлигини билдирди, бироқ яна рад жавобини олди, деб хабар бермоқда журналист Маттео Моретто. Италия грандининг аввалги 15 млн евролик таклифи ҳам рад этилганди.
"Страсбург" 22 ёшли футболчининг нархини анча юқори - бонуслар билан бирга 30 млн еврога баҳоламоқда.
Transfermarkt порталида футболчининг нархи "Милан" таклиф қилганидек, роппа-роса 18 млн евро.
Гела Дуэ - "Пари Сен-Жермен"нинг 20 ёшли вингери Дезире Дуэнинг акаси ҳисобланади.
А Сериянинг ўтган мавсумида "Милан" бор-йўғи саккизинчи ўринни эгаллаб, еврокубокларга чиқа олмади.
