Каталониянинг "Барселона" клуби хавбеки, 21 ёшли Марк Касадо Испания чемпионатини Англия Премьер-лигасига алмаштириши мумкин. Бу ҳақда Caught Offside хабар бермоқда.
Манбага кўра, ярим ҳимоячини Лондоннинг "Арсенал" клуби ўз сафига қўшиб олмоқчи. Касадонинг "кўк-анорранглилар" билан меҳнат шартномасида 100 миллион евро миқдоридаги товон пули ҳақида банд бор. Футболчи ва "Барселона" ўртасидаги амалдаги меҳнат шартномаси муддати 2028 йил июнь ойи охирида тугайди.
Марк Испания чемпионатининг ўтган мавсумида 23 та ўйин ўтказди. Ярим ҳимоячи битта гол ва учта ассистни ўз ҳисобига ёздириб қўйди.
