"Тоттенхэм" ва "Реал"нинг собиқ ҳимоячиси Серхио Регилон Италиянинг "Милан" клубига таклиф қилинди. Бу ҳақда журналист Руди Галетти хабар бермоқда.
Манбага кўра, “Милан” ҳозирда Регилон билан шартнома имзолашдан манфаатдор эмас ва асосий эътибор Тео Эрнандес ўрнини босадиган бошқа номзодларга қаратилмоқда.
Регилон 2020 йилдан бери "Тоттенхэм" футболчиси, аммо у ўтган ёзда эркин агент сифатида жамоани тарк этган. Бутун давр мобайнида 29 ёшли испаниялик футболчи “шпорлар” сафида 73 та ўйинда майдонга тушиб, 2 та гол урди ва 9 та голли узатмани амалга оширди.
