"Реал" форварди Гонсало Гарсия клублар ўртасидаги жаҳон чемпионатининг энг яхши тўпурари бўлди.

21 ёшли испаниялик турнирдаги 6 ўйинда 4 та гол урган (барчаси - ўйиндан), у "Ал-Ҳилол" (1:1), "Ред Булл Зальцбург" (3:0), "Ювентус" (1:0) ва "Боруссия Дортмунд"га (3:2) қарши ўйинларда биттадан гол урган. Шунингдек, у "Пачука"га қарши ўйинда (3:1) голли узатмани амалга оширди.

Эслатиб ўтамиз, "Бенфика"дан Анхель Ди Мария (барчаси - пенальтидан), "Боруссия"дан Серу Гирасси (битта - пенальтидан) ва "Ал-Ҳилол"дан Маркос Леонардо (барчаси - ўйиндан) ҳам 4 тадан гол урган, аммо Bank of America соврини Гонсалога берилди.