"Челси" ярим ҳимоячиси Энцо Фернандес 2024/25 йилги мавсумда эришган ютуқлари ҳақида гапирди.
"Кўклар" клублар ўртасидаги жаҳон чемпионати финалида "ПСЖ" устидан ишончли ғалабага эришди (3:0). Бу жамоанинг Энцо Мареска қўл остида йил давомидаги иккинчи соврини бўлди - май ойида улар Конференциялар лигасида ғолиб чиққанди.
"Ўйлайманки, бу мавсумда индивидуал даражада кўп нарсага эришдим. Клуб билан голли узатмалар, голлар ва совринлар борасида муваффақиятга эришдим - "Челси"га келганимдан бери айнан шунга интилгандим," - дея аргентиналикнинг сўзларини келтиради The Touchline.
