"Барселона" ҳозирча "Манчестер Юнайтед" вингери Маркус Рэшфорд трансфери борасида бир қарорга келгани йўқ.

27 ёшли футболчи "кўк-анорранглилар" сафига ўтишни орзу қилмоқда, "қизил иблислар" раҳбарияти эса ёзда у билан хайрлашишга умид қилмоқда. Инсайдер Фабрицио Романонинг ёзишича, "Барселона" Рэшфорд масаласида ҳали якуний қарорга келмаган. Ҳозирча клублар ўртасида музокаралар олиб борилмаган. Ҳаммаси Испания чемпионларининг ички қарорига боғлиқ бўлади - улар жамоага айнан қайси вингер кераклигини ҳал қилишлари керак бўлади.

Эслатиб ўтамиз, "Ливерпуль" вакили Луис Диасга ҳам "Барселона" қизиқиш билдирмоқда.