Лондоннинг "Арсенал" клуби ҳужумкор ярим ҳимоячи Итан Нванери билан шартномани узайтиришни якунламоқда.
Музокаралар давомида томонларда баъзи қийинчиликлар юзага келди, энди улар узил-кесил ҳал қилинганга ўхшайди. Инсайдер Фабрицио Романонинг янгиланган маълумотига кўра, 18 ёшли футболчи янги шартнома тузишга "жуда яқин." "Арсенал" бир неча кун ичида тўлиқ келишувга эришилишига умид қилмоқда.
Итан Нванерининг "канонирлар" билан амалдаги келишуви келаси йилнинг ёзига қадар мўлжалланган. Футболчи Лондон грандининг асосий жамоаси сафида барча мусобақаларда 39 та ўйин ўтказиб, тўққизта гол урган ва иккита голли узатмани амалга оширган.













