"Брест" дарвозабони Марко Бизот тез орада Англиянинг "Астон Вилла" клуби сафига бориб қўшилиши мумкин. Бу ҳақда Франциянинг L’Equipe нашри хабар бермоқда.
Манбага кўра, Нидерландия терма жамоаси сафида 1 та ўйин ўтказган ушбу футболчига бўлган қизиқиш аргентиналик Эмилиано Мартинеснинг кетиши билан боғлиқ бўлиши мумкин.
34 ёшли Бизот "Вестфризен" ва "Аякс" клублари тарбияланувчиси ҳисобланади. Катталар миқёсида у "Аякс", "АЗ Алкмаар", "Камбюр", "Гронинген" ва Бельгиянинг "Генк" клубларида ўйнаган.
Марко 2021 йилда "Брест"га ўтган. У ўтган мавсумда 41 та ўйинда майдонга тушиб, 68 та гол ўтказиб юборган. Унинг ҳисобида 12 та "қуруқ" ўйин бор. Дарвозабоннинг бозор нархи 3 миллион еврога баҳоланмоқда.
