"ПСЖ" бош мураббийи Луис Энрике тажовузкор хатти-ҳаракатлари учун жиддий жазоланиши мумкин.
Парижликлар клублар ўртасидаги жаҳон чемпионатининг якшанба кунги финалида "Челси"га имкониятни бой бериб қўйди (0:3). Финал ҳуштагидан сўнг жамоа футболчилари ва мураббийлари ўртасида жанжал келиб чиқди ва тасвирларда лондонликлар ҳужумчиси Жоао Педро Луис Энрикенинг зарбасидан сўнг йиқилиб тушгани аниқ кўринган.
Испаниялик собиқ ҳакам Итурральде Гонсалеснинг сўзларига кўра, "ПСЖ" бош мураббийи узоқ муддатга дисквалификация қилиниши мумкин.
"Жоао Педронинг юзига тарсаки туширгани учун Луис Энрике узоқ муддатга четлатилиши мумкин. Бундан ташқари, у маълум муддатга машғулотлардан ҳам четлатилиши мумкин," - дея собиқ рефери сўзларини келтиради The Touchline.
