Франциянинг "Пари Сен-Жермен" клуби ҳимоячиси Маркиньос клублар ўртасидаги жаҳон чемпионати финал ўйини натижалари ҳақида фикр билдирди. Англиянинг "Челси" жамоасига қарши ўтказилган учрашувда парижликлар 0:3 ҳисобида мағлуб бўлишди.
"Яхши иш фақат ғалаба қозонганингда эмас. Биз бу мавсумда илгари ҳеч қачон қилмаган ишларни амалга оширдик. 13 йил олдин Парижда мен бундай унвонлар учун курашмасдим. Албатта, биз бу совринни уйга олиб кетишни хоҳлаган эдик, аммо бу мавсумда эришган ютуқларимизни йўққа чиқармайди," - деб 31 ёшли бразилиялик футболчининг сўзларини ФИФА расмий сайти келтиради.
