"Комо" ҳужумкор ярим ҳимоячиси Николас Пас ёзда Миланнинг "Интер" клубига ўтмайди.
"Нерадзуррилар" ҳужумчи Меҳди Тареми билан хайрлашишга қарор қилди ва унинг ўрнига янги "ўнлик"ни сотиб олиш режалаштирилган. Асосий нишонлардан бири Пас ҳисобланган, бироқ "Комо" аргентиналикни лойиҳанинг асосий фигураси деб ҳисобламоқда ва у бўйича таклифларни кўриб ҳам чиқмайди, деб ёзади инсайдер Фабрицио Романо.
Николас Пас ўтган мавсумда Сеск Фабрегас жамоаси сафида 35 та ўйинда 6 та гол ва 9 та голли узатмани ўз ҳисобига ёздириб қўйди.













