"Челси" ярим ҳимоячиси Энцо Фернандес клубнинг муваффақияти ҳақида фикр билдирди.
"Кўклар" мавсумни иккита соврин билан якунлади: май ойида Энцо Мареска жамоаси Конференциялар лигасида ғолиб чиқди, якшанба куни эса клублар ўртасидаги жаҳон чемпионати бош совринини қўлга киритди.
"Мен "Челси"га ўтганимда, бу оғир кунларни бошдан кечираётган жиддий клуб эканини билардим. Клуб раҳбари менга лойиҳани кўрсатди, келажакдаги режалар ҳақида гапирди - ва энди биз бу иш бераётганини кўрмоқдамиз. Мен жуда бахтлиман," - дея Фернандеснинг интервьюсидан иқтибос келтиради The Touchline.
