"Челси" бош мураббийи Энцо Мареска ўтган йили жамоа таркибидан мамнун бўлганини айтди.
Мутахассис мавсум-2024/25 олдидан Маурисио Почеттинонинг ўрнини эгаллади. Ўшанда "Челси"ни пала-партиш трансфер сиёсати учун аёвсиз танқид қилишганди, аммо италиялик мутахассис дарҳол таркибни ёқтириб қолганини айтди.
"Ўтган йили "Челси"ни қабул қилиб олганимда дарҳол бу таркибни яхши кўришимни айтгандим. Аммо биргина истеъдоднинг ўзи етарли эмаслигини билардик. Аниқ ўйин чизмаси, аниқ йўналиш керак. Биз бунга футболчилар туфайли эришдик," - деди Мареска клублар ўртасидаги жаҳон чемпионатидаги ғалабадан кейин берган интервьюсида.
