Марказий ҳужумчи Виктор Дьёкереш Лондоннинг "Арсенал" клубига ўтишга яқин турибди.
Инсайдер Фабрицио Романонинг ёзишича, Лиссабоннинг "Спортинг" клуби ҳужумчисининг агентлари келишувни якунлаш учун Лондонга етиб келган. Дьёкереш тиббий кўрикдан ўтиши ва "канонирлар" билан меҳнат шартномасини имзолаши керак бўлади. Футболчи трансфернинг сўнгги тафсилотлари келишиб олинганидан сўнг дарҳол Англия пойтахтига етиб келади.
Виктор 2023 йилдан бери "Спортинг" шарафини ҳимоя қилмоқда. Умуман олганда, форвард лиссабонликлар жамоаси сафида 102 та жанг ўтказиб, 97 та гол ва 28 та голли узатмани ўз ҳисобига ёздириб қўйган.
